الديدلاين هو المعاد النهائي لإجتياز التدريب،
نصف الديدلاين هو نص الوقت المتاح لإجتياز التدريب.
تقدر تعرفهم من نفس صفحة التدريب في المستطيل اللى موجود فوق.

بيكون ليهم مميزات أكتر في حفلة التخرج زي إنهم أول ناس بيتكرموا على المسرح أو بيكون ليهم كلمه أو هدايا.

عن طريق حاجات كتير زي..
- النادي الصباحي.
- تحويل التذاكر إلى نجوم.
- الإجابة على الأسئلة اللي بتنزل على مجموعاتنا على التليجرام.
- الإجابة على الأسئلة اللي بتنزل على قنواتنا على تليجرام أو واتساب.
- حضور اللايفات المباشرة وعمل مهماته.
- تنفيذ برزنتيشن فيديو عن اللي اتعلمته فالتدريب.

بعد ما تخلص أي تدريب بتدخل على القائمه الرئيسية، ومنها بتدخل على "مكتبتي"، وهتلاقي فيها كل شهاداتك.

- إعمل الخطوة اللي فاتت.
- إضغط على الشهادة وإضغط على "عرض بجودة عالية".
- إضغط ضغطة مطولة.
- إضغط على "تنزيل الصورة".

دا من أهم مهمات تدريباتنا، لأن من خلاله هتقدر تحسن من قوة تأثيرك وأداء عرضك ولغة الجسد عندك بالتكرار وبملاحظات المشرفين، كمان بيساعدك إنك تكسر حاجز الخوف من الكاميرا، وطبعا بتزود بيه النجوم.

لا مينفعش.

إذا كنت على النسخه المجانيه، لأ.

لأكتر من سبب أهمهم إنك تبنى عادة جديدة، وكمان عشان تخلص مهماتك من غير تشتيت لأن عقلك بيكون تركيزه عالي جدا في الوقت دا.

بتكون بناء على درجة إمتحان المستوى أو التدريب فقط، وليس أسئلة الفيديوهات.

بمجرد إنك تدخل المنصة من الساعه 4:00 لحد الساعه 05:59 هتلاقي مستطيل فوق، إضغط على زر الحصول على النجوم.

متوسط، مش صعب ومش سهل وكله من محتوى التدريب.

أولا هو إختياري حتى الآن،
والهدف الأساسي إنك تتعلم إزاى تختصر محتوى مدته من نص ساعه لساعه خلال 60 ثانيه، فبالتالي المعلومه هتثبت أكتر عندك،
وغير كدا التكرار هيقلل رهبتك من الكاميرا والجمهور بالتبعيه وهيحسن من أداء عرضك ولغة جسدك.

أكيد، بس الأحسن إنك تجزأهم على الأيام اللي قبل نصف الديدلاين.

لكل متدرب مجموعتين على تطبيق تليجرام، مجموعة عامة ومجموعة المحافظة، إدخلهم من القائمة الرئيسية وساعد الناس اللي بتسأل عن حاجة معينة لو عندك معلومة عن الحاجة دي، غير كدا تقدر تبعتلهم نجوم عشان يزيد تقييمهم أو تذاكر عشان يدخلوا الإمتحانات، ف مع مساعدتك ودعمك ليهم هتكسب صحاب كتير.

لا، كدا كدا الفيديو إختياري..
وكمان مسموح تسجليه بالنقاب أو لبس كمامه.

كل مستوى له بداية ونهايه ومش مسموح بالتخطي، فانتظر لما الديدلاين يخلص.

إستفيد بوقتك في حاجات تانيه تعملها، ذاكر أو إشتغل.

إدخل المنصة وسجل دخول،
إضغط على الصورة اللي فوق وهتلاقيه تحت اسمك.

ممكن عادي تقسمهم على باقي الأيام، ولكن المنصة بتكافئك بتذكرة هديه عن كل فيديو بتجتازه قبل نصف الديدلاين.

ممكن، عن طريق الدخول لصفحة الإعدادات وطلب التعديل للاسم باللغة الإنجليزيه، وتقدر توصلها من القائمة الرئيسية.

لو انت بتستخدم موبايل فعّل وضع التدوير التلقائي وخلي التليفون بالعرض، لو ما نفعتش معاك.. جرب من تليفون تاني أو من الكمبيوتر.

• محافظه/ المنيا*قنا* الإنسان مش عارف يبدأ منين ويقول كلام أيه حقيقي مليئه بكلام كتير ومشاعر أكتر إتجاه vital واللي قدرت تكونه جوايا وتبنيه ومن خلالها قدرت اتخطي حاجات كتير كانت مأثره في حياتي جدا... قدرت تكون جوايا ثقه بنفسي إني قادره أعمل دا واتخطي المشكله دي علمتني ازاي اشتغل علي نفسي واطور من نفسي... ازاي اعمل presentation من غير ما اخاف او اتوتر من الناس ازاي اتكلم بثقه مع اللي حواليا... اتعرفت علي ناس جديده مجالات جديده أشخاص رائده في عملها ازاي نتعلم منهم وازاي نثق في نفسنا اننا هنوصل للي احنا عايزينه... حقيقي هتفضل vital التدريب الافضل والوحيد اللي نفسي اكرره تاني ومن غير تعب ولا زهق ولا ملل ولا كلل... حقيقي من كتر ما أنا اتعلمت كتير اوووي مش عارفه اتكلم عن ايه ولا ايه... واخيراً ميرسي لكل شخص وفرد في vital للبورد كلهم والميمبر وكل شخص جميل اتعرفت عليه وساعدني في شئ ليكم كلكم حقيقي الفضل في حاجات كتير والبورد اللي مش بيتأخر علي أي حد وأي شخص محتاج سؤال في لحظتها... وشكر خاص لمستر عمار اللي ديما كان بيحاول يسهل لينا كل حاجه وأي شخص كان محتاج أجابه علي سؤال بتكون موجوده ومتجاوبه... دمتم مبدعين Thanks a lot

• احسن تيم في مصر بإذن الله نكبر اكتر واكتر ومن نجاح لنجاح يارب ♥️ ڤايتل ✨ اتعلمت حاجات كتير خلتني اكتشف مهارات كانت فيه مكنتش شايفها 👈سواء مهارة البرزنتشن و مهارة الإلقاء والتحكم في لغة الجسد و اتعلمت كل مهارات سوق العمل وحاجات كتييييير اتعلمت التفائل والإيجابية واتخطي حاجز الخوف كان النظام جميل وعمري ما هلاقي النظام في مكان تاني ڤايتل واحد ومش هيتكرر ابدا فخورة جدا بنفسي أن شاركت في السيزون ده احب اشكر كل member في ڤايتل ومن هنا نقول بداية خطوات النجاح 💪

• كان جميل بصحبتكم 🥰♥️♥️ اكتر مكان انا استفدت فيه اكتر من المدرسة والجامعة استفدت في حياتي العملية وحياتي الدنيوية وطلعت ب صحبة اتشرف بيها بجد 🥰♥️♥️♥️♥️♥️ اعظم خطوة في حياتي وأول مرة احس اني عملت إنجاز بجد والفضل لله ثم ليكم ولاهتمامكم بينا وتشجيعكم ومجهودكم ، اللي مش من عائلة فايتل ناقصه كل حاجة حلوة في حياتي ♥️♥️♥️♥️🥰 من فريق المنوفية

• فايتل كومينتي جامدة لأي حد حابب يطور من نفسه ومهاراته بجد تبدأ السيزون حاجه وتتحول لحاجه تانيه خالص بعد ما تخلص فايتل مش مجرد تيم ومنصة وبس فايتل عيلة كبيرة بجد ❤️❤️❤️

• محافظه الشرقيه شكرا فايتال 🌚❤️ فايتال غيرت حياتي وخلتني عندي ثقه في نفسي اني اتكلم ولو قدام الف شخص عرفتني علي ناس من جميع المحافظات ودائره معارفي زادت وكمان استفدت منهم كلهم كتيررر كمان دخلت فايتال وكانت اول تجربه ليا في نشاط طلابي أو عمل تطوعي وبجد استفدت منها كتيررر في دراستي لما دكتور كان بيقول مين يطلع يشرح كان الكل يخاف يطلع الا انا كنت أولهم برفع ايدي واقول انا يا دكتور وكذا مره كنت أنا اللي بطلب من الدكتور اني اشرح مكانوا وكان بيوافق ويتفاجأ ازاي انا جايبه الثقه والشجاعه دي وحيات ربي اكتر مواد اللي تقديرها عندي امتياز أو جيد جدا الترم اللي فات كان بسبب كدا واني بخرج وبشرح مع الدكتور ودا فايتال السبب فيه لانها خلتني عندي ثقه في نفسي وغيرت حياتي للاحسن وانا فخوره اني موجوده وواحده من عيله فايتال وشكرا فايتال 🌚❤️❤️❤️❤️❤️

• انا عرفت التيم عن طريق الصدفة البحتة حرفيا كان عن طريق واحده صحبتي المهم انى قدمت وملقتش صاحبتي😂 المهم لما دخلت لفت انتباهي النظام والتعامل والقيمة العلميه الى بيقدموها، الانضباط والتقدير ديه حجات لفتت نظري جدا ♥️ واحترمتها جدا وديه من الحجات الى خلتني اكمل كل ما اكسل او اضغط بسبب الكليه وانها هتحسسك انه مش مجرد تيم تطوعي ماشي بالسيستم ده✨ فبجد بتمنالهم نجاح وازدهار كمان وكمان ويكون اشهر تيم فى مصر كلها ❤️ وبجد حزينة جدا انى محضرتش حفله التخرج 😥 الجيزة

• انا حرفيا اتعلمت حاجات كتير اوي اولهم اني اقف ادام كاميرا و اوصل معلومه و انشرها بين جروب مؤكد ان المعظم هيشوفوا في الاول قولت انا مش هكمل بعد كده قولت هكمل لحد ما اقع و اخرج و لاكن لاقيت نفسي فعلا بعمل حاجه جديده و مفيده ليا و حسيت انو لا و مالوا اني ابذل مجهود في حاجة انا اخترتها و قدمت عليها بنفسي و احلي تاني حاجة هو نادي الخامسه صباحا اينعم مش بلحقوا معظم الايام 😅😂لاكن بجد دي اكتر حاجة لما التزمت عليها فتره اليوم فرق في كل حاجه اني بخلص كل حاجه بدري بدري و غير ده كلو بقا انك تلاقي ناس كويسه و بتشجعك و بتاخد بأيدك لحد ما توصل ❤️❤️ القليوبيه

• تيم فايتال اجمل تيم وعلي تواصل رهيب من جميع المحافظات وليدر مشوفتش زيه (جماعة الليدر الوحيد اللي شوفته بيرد عالمسدجات ف وقتها واي مساعدة يقدر يقدمها مبيترددش☺✨) والبورد الجميل جدا الإنسان اتشرف بالتعامل معاهم ومع تشجيعهم انهيت الليفل وبقيت فرد ف احلي عيلة مع احلي ناس💫💜💜💜💜

• مش متخيلة بجد اني وصلت للحظة دي واني كنت جزء من اليوم دا ❤️🙈 كل الشكر لمستر عمار على الكيان العظيم دا ❤️ عرفت كتير اوي و استفدت اكتر زي ازاي اكون بائع ناجح و اسرار عقل المليونير عرفت كتير عن لغة الجسد و حاجات غيرها كتير و الاهم من كل دا أنه ڤايتل فرقت في حياتي بأنها ساعدتني أن ثقتي بنفسي زادت و بقيت قادرة اقف و اشرح و مخافش من الكاميرا ❤️🙈 بجد شكرا مستر عمار و كل تيم ڤايتل على كل حاجة و اي حد مقدمش في ڤايتل فايته كتير بجد ❤️❤️ اسكندريه

• شكرآ للبيئة المشجعة اللي وفرتها لينا اتعلمنا كتير و اتعرفنا على ناس جميلة ادتونا من وقتكم و مجهودكم الإنسان فرحان انه كمل و وصل فاكره بداية السيزون وانا كنت بقول لنفسي مش هكمل بس صمدت 🥺 انا فاكره إزاي كنا بندعم بعض ايام الامتحانات اللي هو حد وراه امتحان الصبح تلاقي الناس تدعيله و تشجعه كنا بنقول لبعض هتعدي و عدت بفضل الله احنا كنا اخوات و عيلة مش بس بنطور من نفسنا We are vital, 🌥️♥️ القليوبية

• اولا تيم قمر ومعرفه بحاجات كثير هتفيدنا في حياتنا سواء العمليه او الشخصيه لايفات مع ناس مهمين في المجال اللي احنا بنتخصص فيه اتعلمت النظام والانضباط واحترام المواعيد وسياسه نص didline وكل حاجه بنعملها ليها قيمه و فايدة كبيرة اتعلمت التعاون وسياسه الفريق الواحد وبقى عندي ثقه في النفس بنتكلم معبر عن اللي جوايا قدام اي حد وان رايي مهم و ممكن يتاخد بيه ويتنفذ على مؤسسه كامله لو كان الكل متفق عليه واهم واجمل حاجه هي التقدير دايما اللي بتعمله حتى لو كان بسيط بيبقى ليه تقدير من كل الناس من اول تيم ليدرز والميمبرز كمان في ناس بتشجعنا على ان احنا نعمل المطلوب مننا مهما كنا مضغوطين او مشغولين وفي دايما تقدير للظروفنا ودايما عمار كان بيمدد didine يومين عشان احنا كلاونز قد الدنيا وبنتاخر دايما

• فرحانه اني دخلت كيان زي Vital ومبسوطه قوي اني قدرت اتخطي كل المشاكل وكل الظروف وكل الضغط اللي حصلي واني فضلت مكمله للنهايه بشكر الصدفه اللي عرفتني عليه وبجد اتعلمت منه كتير سواء ف الحاجات العلميه او العمليه وكمان ف حياتي الشخصيه فرق معايا بشكل كبير واتعلمت منه كتير وطبعا بشكر عمار اللي عمره م بخل علينا ب اي معلومه وأنه دايما كان بيدعمنا وبيشجعنا نكمل وبجد انصح اي حد يدخل الكيان العظيم دا صدقوني هيفرق معاكوا جدا والله وهتستفادوا كتيييير

• تيم فايتال من أقوى التيمات اللى دخلتها الحقيقه..القائد والمشرفين والمشرفات ما سبوناش ابدا وكانت احلى سنه اتعلمنا فيها واستفدنا فيها من المستويات اللى درىسناها ومحاضره الخامسه فجرا من اجمل المحاضرات اللى سمعناها استفدنا جدا من المدربين اللى استاذ عمار جابهم ..وعاده الصحيان بدرى فى نادى الخامسه صباحا..اتعلمنا كتير الحمد لله..واتمنى انى اكون فرد منهم . بالتوفيق لفايتال ويارب دايما من نجاح لنجاح.شكراا للتيم.حقيقى . محافظه/الغربيه

• السلام عليكم ورحمه الله وبركاته فايتل هي كانت صدفه ان انضم اليها مازالت اجمل صدفه وافضل تجربه ان قولت اجرب مش هخسر حاجه واستفدت كتير منها مستوي التعليمي والشخصي وغيرت كتير من شخصيتنا وحاجات كتير قدرت اتخطي كل الظروف والمشاكل اللي بتواجهني اثناء السيزون من خلال تعلم ادارة وتنظيم الوقت اما بالنسبه لاستاذ عمار ف هو حقيقي بيبذل جهد جامد لكي نستفيد كلنا ف حقيقي تعب معانا جدا له دور فعال ف فايتل اشكر كيان فايتل Vital لان كان عائلتنا الثانيه لقينا ناس جميله مثلكم ف كل حاجه واتعرفت ع ناس جديده وتستاهل ف دمتم ف خير وسعاده وتقدم وتفوق 🩵🌸 اتبسطت ان كنت جزء من فايتل وربنا يبارك ف الي شارك ف فايتل عشان يطلع بنفس الطريقه دي عشان نستفاد جميعا ونحس ان مش مع ناس وخلاص لا مازال حاجه ممتعه ولطيفه

• ناس كتير بتسأل هو ايه فايتال ده!!! احنا في فايتال أسرة مع بعضينا😂🤝 تعالي ورايا وانا هفهمك🚶‍♀️ دا تيم كامل متكامل هدفه الوحيد انك تطور مهاراتك وتثبت نفسك صح♥️ هنا في فايتال بنتعلم مهارات كتير جدااااا بتأهلنا لسوق العمل♥️ لا ومش بس كده🤚 هنا كلنا واحد وعيلة واحدة هدفنا كلنا أننا نساعد بعض ونقف جنب بعض لحد ما كل واحد يقدر يثبت نفسه ويكون مؤهل تماما لسوق العمل♥️ عايز تبدأ صح ومحتار تبدأ منين ؟؟ انك كده جيت المكان الصح مع فايتال هتطور من نفسك يعني هتتطور😂🤝 #القاهرة

برنامج نجوم ومكافآت تحفيزية يساعد مستخدمينا على تحقيق إنجاز تعليمي أكبر وربط أدائهم بالنجوم التي يمكن استبدالها من متجر فيتال كنوع من المكافأة على أدائهم المستمر والمتطور خلال رحلتهم التعليمية عبر تطبيق فيتال.

من السهل جمع النجوم من خلال تطبيقنا، فقط من خلال دراسة أكثر جودة ومشاهدة المزيد من مقاطع الفيديو والتفاعل في مجموعاتنا وحل المزيد من الاختبارات والامتحانات، كما أن مشاركة رابط التطبيق مع أصدقائك تضمن لك كسب المزيد من النجوم.